काठमाडौं । सभामुख डोलप्रसाद (डीपी) अर्यालले अन्तरव्यवस्थापिका संघ (आईपीयू) को १५३औँ महासभामा नेपालको प्रतिनिधित्व गर्ने भएका छन्। महासभामा सहभागी हुन आफू आइतबार विदेश प्रस्थान गर्न लागेको जानकारी सभामुख अर्यालले राष्ट्रपति रामचन्द्र पौडेललाई गराएका छन् ।

सभामुख अर्यालले शुक्रबार राष्ट्रपति पौडेलसँग शिष्टाचार भेट गर्दै आफ्नो प्रस्तावित विदेश भ्रमण तथा आईपीयू महासभामा नेपालको सहभागिताबारे जानकारी गराएका हुन्।

भेटका क्रममा सभामुख अर्यालले महासभामा नेपालको संसदीय अभ्यास, संसद्को भूमिका तथा अन्तरव्यवस्थापिका सहकार्यका विषयमा नेपालको धारणा प्रस्तुत गर्ने जानकारी गराएको जनाइएको छ । आईपीयूको १५३औँ महासभामा विभिन्न देशका संसद् तथा सांसदहरूको सहभागिता रहनेछ। महासभाले विश्वका विभिन्न मुलुकका संसद्बीच सहकार्य, अनुभव आदानप्रदान तथा समसामयिक संसदीय विषयमा छलफल गर्नेछ ।

महासभामा सहभागी हुँदै सभामुख अर्यालले नेपालको संसदीय अभ्यास र अनुभव प्रस्तुत गर्नुका साथै अन्तरव्यवस्थापिका सम्बन्ध तथा सहकार्यका विषयमा नेपालको प्रतिनिधित्व गर्नेछन्।

राष्ट्रपति पौडेलसँगको भेट सभामुख अर्यालको विदेश भ्रमण तथा अन्तर्राष्ट्रिय संसदीय मञ्चमा नेपालको सहभागितासम्बन्धी तयारीका सन्दर्भमा भएको हो ।