सुनको भाउ प्रतितोला ७ सय रुपैयाँ घट्यो

  नेपाली सन्देश डट कम | १२ कार्तिक २०८२, बुधबार ११:३३

काठमाडौं। बुधबार सुनको भाउ प्रतितोला ७ सय रुपैयाँ घटेको छ। नेपाल सुनचाँदी व्यवसायी महासंघले यस दिनका लागि सुनको भाउ प्रतितोला २ लाख ३६ हजार ३ सय रुपैयाँ तोकेको छ। अघिल्लो दिन २ लाख ३७ हजार रुपैयाँमा कारोबार भएको थियो। यसअघि असोज ३१ गते सुनको भाउ हालसम्मकै उच्च प्रतितोला २ लाख ५८ हजार रुपैयाँ पुगेको रेकर्ड छ।

अन्तर्राष्ट्रिय बजारमा बुधबार (नेपाली समय ११ बजे) प्रतिऔंस ३९५८ अमेरिकी डलरमा सुनको कारोबार भएको छ।

चाँदीको भाउ भने बढेको छ। प्रतितोला ४५ रुपैयाँले चाँदी महँगिएको छ। अघिल्लो दिन २९२० रुपैयाँमा चाँदीको कारोबार भएकोमा आज २९६५ रुपैयाँ पुगेको छ।

प्रतिक्रिया

Selected poll is not defined.