नेपाली सन्देश डट कम | २९ भाद्र २०७८, मंगलवार १४:१७ 
गजुरी/धादिङ
२९ भदौ २०७८
राष्ट्रिय बाल दिवश सामान्य अवस्था वा कोभिड महामारी :बालअधिकारको संरक्षण हामी सबैको जिम्मेवारी’ भन्ने मुल नाराका साथ राष्ट्रिय बाल दिवस विभिन्न कार्यक्रमका साथ सम्पन्न भएको छ । मंगलबार बाल दिवसको अवसर पारेर धादिङको गजुरी गाउँपालिका वडा नं१चेपाङ किशोरी छात्रावासका बालिकाहरुलाई प्रयास नेपाल धादिङद्वारा बालिकाको लागि स्टेशनरी सहयोग गरिएको छ।
प्रयास नेपालद्वारा ठुलो नोट कपि ४ वटा,पेन्सिल १ प्याकेट,डड्पेन ६ वटा,डायरी १वटा ,ज्यामिट्रिक बक्स लगायत स्टेसनरी सामाग्री शिक्षा विकास तथा समन्वय ईकाइ धादिङ र गजुरी गाउँपालिका शिक्षा शाखासँगको समन्वयमा २२ जना किशोरीहरुलाई सहयोग प्रदान गरिएको प्रयास नेपाल धादिङका कार्य कारी निर्देशकले बताउनु भयो । यसैगरी गजुरी ३ ठाडोखोलाका बाबु मृत्यु भएका र अामाले दोस्रो बिवाह गरि गई पछि समस्या परेका ५ र ७ बर्षका बालकलाई बिद्यालय पोशाक ,व्याग जुत्ता मोजा सहित स्टेशनरी सामाग्री र पालनपोषण गर्ने हजुरबुबालाई खाद्य सामाग्री सहयोग गरिएको सुमित्रा चेपाङले जानकारी दिनु भयो ।
मंगलबार नै बाल अधिकार दिवसको अवसरमा प्रयास नेपाल धादिङले थाक्रे गापाका ३ जना र अभिभावक गुमाएका र धुनिबेसी नगरपालिका ईट्टा उद्योगमा जोखिम युक्त काममा रहेका परिवारका ३ जना गरि ६ जना बालबालिकाहरुलाई स्टेसनरी तथा ५ हजार बराबरको खाद्य सामग्री सहयोग गरिएको सामुदायिक सहजकर्ता गोबिन्द प्रसाद बिडारीले जानकारी दिनु भयो । नेपालले बालअधिकार सम्बन्धी महासन्धि १९८९ लाई १४ सेप्टेम्बर १९९० मा अनुमोदन गरेर बालबालिकाको विकास, बालअधिकारको संरक्षण र बालसहभागिताजस्ता विषयमा आफ्नो अन्तर्राष्ट्रिय प्रतिबद्धता प्रकट गरेको दिनकै अवसरमा नेपालले हरेक वर्ष भदौ २९ गते राष्ट्रिय बाल दिवस मनाउँदै आएको छ।
प्रतिक्रिया