दलको झोला बोक्ने कर्मचारीलाई छुट हुँदैन : गृहमन्त्री गुरुङ

  नेपाली सन्देश डट कम | ६ मंसिर २०८३, शनिबार ११:४८

काठमाडौं । गृहमन्त्री सुधन गुरुङले राजनीतिक दलको झोला बोकेर राजनीति गर्ने र नेताको चाकडी गर्ने कर्मचारीमाथि कानुनबमोजिम कडा कारबाही गर्ने चेतावनी दिएका छन्।

शनिबार सामाजिक सञ्जालमार्फत गृहमन्त्री गुरुङले यस्तो चेतावनी दिएका हुन्। उनले सरकारमा आएदेखि नै राष्ट्रसेवक कर्मचारीको काम कुनै राजनीतिक दलको झोला बोक्ने वा नेताको चाकडी गर्ने नभई देश र जनताको सेवा गर्ने हो भन्ने स्पष्ट पार्दै आएको बताए।

उनले नेता र कर्मचारी सबैको साझा उद्देश्य देशप्रति समर्पित भएर जनताको सेवा गर्नु हुनुपर्ने बताएका छन् । यति कुरा पटकपटक स्पष्ट पारिसक्दा पनि कसैले अझै दलको झोला बोकेर राजनीति गर्न पाइन्छ भन्ने भ्रम पालेको छ भने त्यो भ्रम आजै त्यागे हुन्छ उनले भनेका छन्।

आफ्नो पदीय जिम्मेवारी बिर्सेर जनताको कामभन्दा नेताको चाकडीलाई प्राथमिकता दिने जोकोहीमाथि कानुनबमोजिम कडा कारबाही हुने उनको चेतावनी छ।

‘हामीलाई कसैको चाकडी गर्ने कर्मचारी होइन, जनताको दुःख बुझ्ने, आफ्नो कर्तव्य निभाउने र देशप्रति इमानदार राष्ट्रसेवक चाहिएको हो गृहमन्त्री गुरुङले भनेका छन् ।

प्रतिक्रिया

Selected poll is not defined.