नेपाली सन्देश डट कम | २९ चैत्र २०७९, बुधबार १६:१२ 
धादिङको गजुरी गाउँपालिका अध्यक्ष गणेशलाल श्रेष्ठले वडा भित्रका विभिन्न गाउँ टोल बस्ती स्तरमा हुने विवादको समस्या समाधान गर्न सामुदायिक मेलमिलापकर्ता आवश्यक रहेको बताउनु भयो ।
‘हाम्रो समस्या हाम्रै समाधान’ भन्ने मुल नाराका साथ गाउँपालिका न्यायिक समितिले आयोजना गरेको आधारभूत सामुदायिक मेलमिलाप सम्बन्धि प्रशिक्षण कार्यक्रमको समापन सत्रलाई सम्बोध गर्दै अध्यक्ष श्रेष्ठल भने गाउँघरमा भएका स-साना समस्या गाउँमै समाधान गर्न मेलमिलाप कर्ताको भुमिका महत्वपूर्ण हुने बताउनु भयो । उनले भने ‘गाउँ घरमा भएका झैझगडा सँगै हुने विवाद अब पालिका र प्रहरीकोमा जाने हैन, हरेक वडामा भएको वडा स्तरिय न्यायिक समितीमा मेलमिलाप कर्ता मार्फत समस्या खोज्ने हो ।’
गजुरी गाउँपालिका न्यायिक समितिको आयोजनामा संचालन भएको आधारभूत सामुदायिक मेलमिलाप सम्बन्धित प्रशिक्षण कार्यक्रम मा गजुरी गाउँपालिकाका ८ वटै वडाबाट प्रशिक्षार्थि सहभागी भएको कार्यक्रम यहि चैत्र २३ गते देखि शुरु भई आज सम्पन्न भएको हो । सामुदायिक मेलमिलापकर्ताले वडा स्तरिय न्यायिक समिती मार्फत विवादको समाधान गर्ने छ ।
प्रतिक्रिया